Türkiyənin Diyarbəkir vilayətində polis bölmələrindən biri PKK terrorçularının hücumuna məruz qalıb.
APA-nın “Anadolu” agentliyinə istinadən verdiyi məlumata görə, bölmə iki müxtəlif istiqamətdən atəşə tutulub.
Polisin cavab atəşindən sonra terrorçular hadisə yerini tərk edib. İnsident zamanı zərərçəkən olmayıb. Hadisəni törədənlərin tutulması üçün əməliyyat başlayıb.
