Avqustun 2-də terrorçu Kürd Fəhlə Partiyası (PKK) Türkiyənin Ağrı və Mardin bölgələrində daha iki qanlı terror aktı törədib.
Anadolu Agentliyinin məlumatına görə, partlayıcı yüklənmiş traktor Ağrıdakı jandarma məntəqəsinə çırpılıb. Nəticədə 2 əsgər şəhid olub, 24-ü yaralanıb. İlkin məlumata görə traktorda 2 ton partlayıcı olub.
Mardində isə hərbiçiləri daşıyan avtomobilin PKK tərəfindən yola basdırılmış minaya düşməsi nəticəsində 1 əsgər şəhid olub, 4-ü yaralanıb.
