Türkiyə Prokurorluğu Xalqların Demokratik Partiyası (HDP) sədri Səlahəddin Dəmirtaşın ötən ilin oktyabrında ölkəni bürümüş kütləvi etiraz aksiyalarla əlaqəli olmasını araşdırmağa başlayıb. APA-nın NTV telekanalına istinadən verdiyi xəbərə görə, Dəmirtaş millətlər arasında ədavət və Türkiyə əhalisinin iki etnik qrupu arasında qarşıdurma yaratmaqda ittiham edilir. Prokurorluq HDP sədrinin müqəssir olduğunu müəyyən edəcəyi təqdirdə, Dəmirtaş deputat toxunulmazlığı statusundan məhrum edilə bilər. Belə olacağı təqdirdə HDP sədri 24 ilədək azadlıqdan məhrum edilə bilər.