Gürcüstan Avropa İttifaqının Rusiyaya qarşı tətbiq etdiyi sanksiyalara qoşulub. APA-nın xəbərinə görə, bu barədə Avropa Komissiyasının “Krım və Sevastopolun qanunsuz ilhaq edilməsinə qarşı məhdudlaşdırıcı tədbirlərə qoşulmaq haqqında” adlı qətnaməsində deyilir.
Qeyd edək ki, iyulun 29-da Avropa İttifaqının Rusiyaya qarşı tətbiq etdiyi sanksiyalara daha 6 ölkə (Monteneqro, Albaniya, İslandiya, Lixtenşteyn, Norveç və Ukrayna) qoşulub.“Namizəd ölkələr olan Monteneqro ilə Albaniya, həmçinin Avropa Azad Ticarət Assosiasiyasının üzvləri – İslandiya, Lixtenşteyn və Norveç, Avropa iqtisadi zonasının üzvləri, o cümlədən Ukrayna və Gürcüstan bu qətnaməyə qoşulur”, - deyə sənəddə bildirilir.
