ABŞ-ın Florida sahillərində xəzinə axtaran bir ailə 300 il əvvəl batmış məşhur “Queens Jewells” adlı gəmidən bir milyon dollar dəyərində ispan qızılı tapıb.

AZƏRTAC Türkiyənin www.sabah.com.tr saytına istinadla xəbər verir ki, Şmitt ailəsinin apardığı axtarışlar zamanı 51 qızıl sikkə və 12 metrlik qızıl zəncir tapılıb. Bu, artıq Şmitt ailəsinin üçüncü tapıntısıdır.

ABŞ qanunlarına əsasən, həmin xəzinənin 20 faizi yerli muzeyə veriləcək, qalan 80 faiz isə Şmitt ailəsi arasında bölünəcək.

Üç əsr əvvəl Florida sahillərində Havanadan İspaniyaya gedən 11 gəmi fırtınaya düşərək batıb. Hadisə zamanı mindən çox insan suda boğularaq ölüb, 400 milyon dollarlıq xəzinə isə okeanın dibinə çöküb.