Rusiyanın Mineralnıe Vodı şəhərində məcburi eniş edən təyyarənin sərnişinləri yaxın 1,5 saat ərzində Gəncəyə yola salınacaq. Bu barədə APA-ya “Ural” Hava Yollarının Gəncə üzrə nümayəndəsi Akif Ələkbərov deyib.

Onun sözlərinə görə, Moskvadan Gəncəyə uçan “Ural” Hava Yollarına məxsus təyyarə naviqasiya sistemində yaranan nasazlıq ucbatından Rusiyanın Mineralnıe Vodı şəhərində məcburi eniş edib: “Aldığımız məlumata görə artıq təyyarədə yaranan nasazlığı aradan qaldırmaq üçün Moskvadan Mineralnıe Vodı şəhərinə mütəxəssislər gəlir. Yaxın saatlarda nasazlıq aradan qaldırılacaq. Buna baxmayaraq sərnişinlər 1-1,5 saat ərzində başqa bir təyyarə ilə Gəncəyə yol salınacaq”.

Qeyd edək ki, Moskvadan Gəncəyə uçan “Ural” Hava Yollarına məxsus təyyarə bu gün texniki nasazlıq ucbatından Rusiyanın Mineralnıe Vodı şəhərində məcburi eniş edib.
14:34

Moskvadan Gəncəyə uçan “Ural” Hava Yollarına məxsus təyyarə Rusiyanın Mineralnıe Vodı şəhərində məcburi eniş edib.

Bu barədə APA-nın Moskva müxbirinə təyyarədə olan sərnişinlər məlumat verib.

Sərnişinlərə təyyarənin texniki nasazlıq səbəbindən eniş etdiyi bildirilib. Sərnişinlər təyyarədən düşürülüb. Hazırda pasport yoxlama məntəqəsində gözləyən sərnişinlərə uçuşun nə zaman olacağı haqda məlumat verilməyib.