Nigeriya yığmasının yeni baş məşqçisi müəyyənləşib. Qol.Az-ın Nigeriya Futbol Federasiyasının rəsmi saytına istinadən verdiyi məlumata görə, Afrika təmsilçisini yığmanın sabiq üzvü Sandey Olise çalışdıracaq.
O, bu vəzifədə aprel ayında üçüncü dəfə Nigeriya millisinin baş məşqçisi təyin olunan Stefen Keşini əvəzləyib. Lakin müqavilənin müddəti açıqlanmayıb.
Qeyd edək ki, 1994-cü ildə şərəfini qoruduğu Nigeriya yığması ilə Afrika kubokunu qazanan Olise karyerası ərzində "Yuventus", "Borussiya" və "Ayaks" kimi klublarda çıxış edib.
