Türkiyənin "Fənərbaxça" klubu daha bir rəsmi transferə imza atıb. QAZİLER.AZ-ın "anspress.com"-a istinadən məlumatına görə, "bülbül"lər Hollandiya millisinin üzvü Robin Van Persini rənglərinə bağlayıb.

"Mançester Yunayted"dən ayrılan hollandiyalı ulduz futbolçu Robin Van Persi bu gün "Fənərbaxça" ilə 4 illik müqaviləyə imza atıb.

Qeyd edək ki, imza mərasiminə minlərcə "Fənərbaxça" azarkeşi gəlib. Qeyd edək ki, 31 yaşlı futbolçu İngiltərədə "Fənərbaxça" üçün tibbi müayinədən keçib. Van Persi "Mançester Yunayted"ə 25 milyon funt-sterlinq qarşılığında "Arsenal"dan transfer olunmuşdu.

Professional kariyerasına 2001-ci ildə Hollandiyanın "Feyennord" klubunda başlayan Van Persi, üç mövsüm burada çıxış etdikdən sonra İngiltərənin "Arsenal" klubuna transfer olunub. "Topçular"ın heyətində 194 matçda 96 qola imza atan hollandiyalı ulduz, 2012-ci ildə daha bir ingilis nəhəngi "Mançester Yunayted"ə keçir. "Qırmızı şeytanların" heyətində isə 86 qarşılaşmada 48 dəfə rəqib qapılarına yol tapıb.