Avstriyada təlim-məşq toplanışında olan "Qarabağ" bu gün ikinci yoxlama oyununu keçirəcək.

Qol.Az-ın məlumatına görə, Ağdam təmsilçisi Rumıniyanın "Styaua" klubu ilə qarşılaşaq. Matç Bakı vaxtı ilə saat 20:30-da başlayacaq. Görüş klubun "Youtube" kanalı vasitəsi ilə birbaşa nümayiş olunacaq.

Qeyd edək ki, "Qarabağ" bundan əvvəl yoxlama matçında "Horn" klubuna 3:4 hesabı ilə uduzub. Qurban Qurbanovun komandası son yoxlama oyununu iyulun 7-iRusiyanın "Lokomotiv" (Moskva) klubuna qarşı keçirəcək.


3 iyul

Yoxlama oyunu

20:30. "Qarabağ" (Azərbaycan) - "Styaua" (Rumıniya)