"Bakı-2015" I Avropa Oyunlarında qadın voleybolçular arasında qrup mərhələsinin oyunları davam edir. QAZİLER.AZ saytının Qol.Az-a istinadən məlumatına görə, bu gün Bakı Kristal Zalında IV turun oyunları keçiriləcək.
A qrupunda yer alan Azərbaycan millisi Belçika ilə qarşılaşacaq. İlk üç oyunda qələbə qazanmaqla 1/4 finala vəsiqəni təmin edən komandamız bu görüşdə də qalib gəlməklə liderliyini möhkəmləndirməyə çalışacaq.
Qrupun digər oyununda Türkiyə Rumıniya ilə qarşılaşacaq. Qardaş ölkənin yığması bu görüşdə qalib gələcəyi təqdirdə 1/4 finala vəsiqə qazanacaq. Digər matçda isə Polşa İtaliya ilə üz-üzə gələcək.
