"İsveçlə matçın ilk hissəsində istənilən səviyyədə oynamadıq. Lakin fasilədən sonra sürəti artırdıq və qol epizodları yaratdıq". Qol.Az-ın məlumatına görə, bu sözləri Norveç yığmasının futbolçusu Stefan Yohansen İsveçlə yoxlama görüşündən (0:0) sonra deyib.

Ölkəsinin mətbuatına danışan Yohansen iyunun 12-də "Avro-2016"nın seçmə mərhələsində qarşılaşacaqları millimizlə oyuna da toxunub:

"Azərbaycanla oyuna yüksək tepmdə başlamalıyıq. Əlbəttə, Azərbaycan millisi İsveçlə müqayisədə aşağı səviyyəli komandadır. Ancaq onlarla görüşdə daha yaradıcı və dəqiq oynamalıyıq".

Qeyd edək ki, iyunun 12-də "Ullevaal" stadionunda keçiriləcək Norveç - Azərbaycan oyunu Baı vaxtı ilə saat 23:45-də başlayacaq.