“Köməkçim Yarl Torske Azərbaycan millisinin Serbiyaya uduzduğu oyunu stadiondan izləyib. Azərbaycan millisi yeni baş məşqçinin gəlişindən sonra martda Maltanı məğlub etdi. Biz həmin matça da baxmışdıq. Onlar əsasən 4-5-1 taktiki sxemi ilə oynayırlar".

QAZILER.AZ saytı Qol.Az-ın xarici KİV-lərə istinadən yaydığı xəbərə görə, bu sözləri Norveç millisinin baş məşqçisi Per-Matias Hoqmo "Avro-2016"nın seçmə mərhələsində Azərbaycanla matç öncəsi deyib.

Hoqmo bu gün yoldaşlıq görüşü keçirəcəkləri İsveçlə Azərbaycan millisinin oyun üslubunda oxşarlıq olduğunu bildirib: "Azərbaycan yığması da az risklə oynayır. Onlar ağıllı futbola üstünlük verir. Azərbaycanla müqayisədə İsveçin üstünlüyü ondadır ki, heyətində daha təcrübəli futbolçular çıxış edir”.

Qeyd edək ki, milli komandamız iyunun 12-də "Avro-2016"nın seçmə mərhələsində səfərdə Norveçin qonağı olacaq.