Bu günlərdə Polşanın Rumiya şəhərində İFA İdman Federasiyasının təşkilatçılığı ilə dünya çemçionatı keçirilib.

Qaziler.az bildirir ki, 32 ölkənin idmançılarının qatıldığı bu yarışda Azərbaycanı 7 nəfərlik komanda ilə təmsil edirdi. Çempionatda idmançılarımız yüksək nəticə əldə ediblər. Onlar 4 qızıl, 2 gümüş medal qazanıblar.

Azərbaycanın Milli Qəhrəmanı Asif Məhərrəmovun (Fred Asif) oğlu Azər Məhərrəmov və Elsevər Xasıyev qızıl medal qazanaraq peşəkarlar arasında dünya çempionu olublar.



Dünya çempionatında digər idmançılarımız da öz çəkiləri üzrə müxtəlif kateqoriyalarda medallara sahib olublar: Şərif Hüseynov kişilər arasında keçirilən yarışda 4-cü yerə çıxıb, Hüseyn Amanlı bir gümüş medal, 21 yaşlı gənclər arasında Tərxan Müzəffərov iki qızıl medal qazanıblar.



Qeyd edək ki, idman yarışlarının bu versiyası üzrə ilk dünya çempionatıdır.

Çempionatın keçirildiyi vaxt konfrans da baş tutub. Konfrans iştirakçıları tərəfindən federasiyanın gələn il Ukraynada Avropa, ABŞ-da isə dünya çempionatlarının keçirilməsi ilə bağlı qərar qəbul edilib.