Avropa Oyunlarında iştirak edəcək cüdoçularımızın tam siyahısı təsdiqlənib. Apasport.az saytının məlumatına görə, yarışa 3 yığmamız 2-si paralimpiyaçı olmaqla, 21 idmançı ilə qatılacaq.

Cüdoçular arasında Avropa çempionatı statusunu da daşıyacaq Oyunlara komandalarımız ən güclü heyətlə qatılacaq. 18 dəst medal uğrunda yarışlar iyunun 25-28-nə təsadüf edəcək.

Kişilər: Orxan Səfərov, İlqar Müşkiyev (hər ikisi 60 kq), Nicat Şıxəlizadə, Tərlan Kərimov (hər ikisi 66 kq), Rüstəm Orucov (73 kq), Ramin Qurbanov (90 kq), Elmar Qasımov, Elxan Məmmədov (hər ikisi 100 kq), Uşanqi Kokuari (+100 kq).

Qadınlar: Aişə Qurbanlı, Leyla Əliyeva (hər ikisi 48 kq), Səkinə Zairova (52 kq), Kifayət Qasımova, Səbinə Abdullayev (hər ikisi 57 kq), Nuriyyə Əhmədova, Xanım Hüseynova (hər ikisi 63 kq), Validə Mirzəzadə, Nərgiz İbrahimova (hər ikisi 70 kq), Günel Həsənli (78 kq)

Paralimpiyaçı cüdoçular: İlham Zəkiyev (+90 kq), Zakir Mislimov (100 kq)