"Yuventus"un qapıçısı Canluici Buffon Çempionlar Liqasının finalında qarşılaşacaqları "Barselona" ilə oyunöncəsi maraqlı fikirlər səsləndirib. Qol.Az-ın Britaniya mətbuatına istinadən verdiyi məlumata görə, "Barselona"nı dünyanın ən yaxşı hücum xəttinə malik komandası adlandıran italiyalı qolkiper Lionel Messinin bu dünyadan olmadığını bildirib:

"Barselona" dünyanın ən yaxşı hücum xəttinə malik komandasıdır. Çox təhlükəli hücumlar təşkil edirlər. Ancaq bizim də bəzi "silahlar"ımız var. Onları dayandırmağa gücümüz çatmaz, amma bəlkə də mane ola bilərik. Messiyə gəlincə, o, insanlarla futbol oynamağı sevən, bu dünyadan olmayan bir canlıdır. Ümid edirəm ki, final oyununda onu dünyamıza qaytara biləcəyik".

Qeyd edək ki, iyunun 6-da Berlində keçiriləcək "Barselona" - "Yuventus" oyunu Bakı vaxtı ilə saat 23:45-də keçiriləcək.