"Forza Neftçi" azad azarkeş qrupu komandalarının uğursuz çıxışı ilə bağlı bəyanat yayıb.

"Forza Neftçi"dən Qol.Az saytına daxil olan bəyanatda deyilir:

"Hörmətli "Neftçi" rəhbərliyi!

Son oyunlardakı acı məğlubiyətlər səbəbindən sizə xatırladırıq ki, komandamız Azərbaycan futbolunun "Flaqman"ıdır və dəfələrlə ölkə çempionu olub. Belə nəticələr biz azarkeşlərə xoş deyil. Bu komanda sanki daim yüksək yerlər uğrunda oynayan "Neftçi"miz deyil. Bütün komandalar məğlub olur, lakin ən pisi odur ki, "Neftçi"də ruh yüksəkliyi yoxdur. Sizdən xahiş edirik ki, əvvəlki kimi əzmkar, yalnız çempionluq üçün mübarizə aparan "Neftçi" yaradasınız” – deyə bəyanatda bildirilib.