"Rumıniyanın paytaxtı Buxarestdə keçirilən Avropa çempionatında ən güclü rəqiblər mənimlə düşmüşdü. Xüsusən erməni idmançıya qalib gəlməyi qeyd etmək istərdim. Komandamızın üzvləri yaxşı çıxış etdilər. Hamımız yarışa hazır idik".
"Report"un məlumatına görə, bu sözləri Rumıniyanın paytaxtı Buxarestdə keçirilən Avropa çempionatında qızıl medal qazanan Azərbaycanın sərbəst güləşçisi Hacı Əliyev deyib.O, bildirib ki, bütün Azərbaycan idmançılarına yeni-yeni qələbələr arzulayır. Qalibiyyətim apreldə olub. Azərbaycan xalqı da apreldə şəhidlər verib. Ona görə də qələbəmi şəhidlərə həsr edirəm. Bu qələbəni eyni zamanda onların valideynlərinə həsr edirəm".
