"Avro-2016"nın seçmə mərhələsində millimizin rəqibi olan Bolqarıstan yığması gələn ay yoxlama görüşündə qüvvəsini sınayacaq.

Qol.Az-ın "sporx.com"a istinadən verdiyi məlumata görə, İvaylo Petevin komandası Türkiyə yığması ilə qarşılaşacaq.

İyunun 8-də Türkiyədə keçiriləcək oyun Bakı vaxtı ilə 22:45-də başlayacaq. Artıq matçı idarə edəcək hakimlər də müəyyənləşib. Oyun italiyalı referi David Massaya həvalə olunub. Ona Filipo Meli və Fabiano Preti kömək edəcək. Dördüncü hakim funksiyasını isə türkiyəli Tolqa Özkalfa yerinə yetirəcək.

Qeyd edək ki, Bolqarıstan seçmə mərhələ çərçivəsində iyunun 12-də səfərdə Maltanın qonağı olacaq.