Futbol meydanın növbəti ölüm hadisəsi baş verib. Qol.Az-ın xarici KİV-lərə istinadən yaydığı xəbərə görə, Argentina ikinci liqasında "Atletiko Parana"nın müdafiəçisi Kristian Qomes "Boca Unidos"la matçın 30-cu dəqiqəsində anidən yerə yıxılıb və huşunu itirib.

Xəstəxanaya aparılan 27 yaşlı oyunçunun həyatını xilas etmək mümkün olmayıb. Onun inkarktdan öldüyü bildirilib.

Qeyd edək ki, sözügedən qarşılaşma baş verən hadisəyə görə 32-ci dəqiqədə yarımçıq dayandırılıb.

Xatırladaq ki, bu ay Argentina C liqasında mübarizə aparan San Martin de Burzako"nun futbolçusu Emanuel Orteqa matç zamanı başı meydanın kənarındakı hasara dəymişdi. 21 yaşlı gənc futbolçu xəstəxanada qaldığı 11 gündən sonra vəfat etmişdi.