Almaniya futbolunun canlı əfsanəsi Mixael Ballak son zamanlar tənqidlərə məruz qalan “Bavariya”nın baş məşqçisi Xosep Qvardiolanı müdafiə edib.

Qol.Az-ın xarici KİV-lərə istinadən yaydığı xəbərə görə, veteran futbolçu sabiq komandasının Çempionlar Liqasının yarımfinal mərhələsində “Barselona”ya məğlb olaraq turniri tərk etməsində Qvardiolanı günahlandırmağın düzgün olmadığını deyib:

“Qvardiolanı tənqid etmək? Məncə, Bundesliqanın qalibi olmuş bir komandanın baş məşqçisini tənqid etmək düzgün deyil. “Bavariya” bu mövsüm çox gözəl futbol sərgilədi. Qvardiola “Bavariya”ya lazım olan məşqçidir. Unutmayın ki, Münhen klubu Çempionlar Liqasında turnirin favoritinə uduzdu”.

Qeyd edək ki, Ballak 2002-2006-cı illərdə “Bavariya”nın şərəfini qoruyub.