"Çelsi"nin baş məşqçisi Joze Mourinyo yenidən maraqlı fikirləri ilə diqqət çəkib.

Qol.Az-ın məlumatına görə, "Talksport"a danışan portuqaliyalı mütəxəssis Lionel Messinin "Barselona"dan gedişindən sonra Avropa futbolunda ciddi dəyişikliklərin olacağını bildirib:

"Messinin "Barselona"dan gedişindən sonra Avropa futbolunda ciddi dəyişiklər olacaq. "Barselona" son uğurlarını Frank Raykart, Pep Qvardiola və Luis Enrikenin rəhbərliyi altında qazanıb. Hər üç məşqçinin dönəmində də Messi "Barselona"da idi".

Qeyd edək ki, cari mövsüm bütün turnirlər daxil olmaqla "Barselona"nın heyətində 54 oyun keçirən Messi 54 qol vurub və 23 məhsuldar ötürmə verib.