"Çelsi"nin baş məşqçisi Joze Mourinyo sabiq klubu "Real"dan təklif alıb.

Qol.Az-ın xarici KİV-lərə istinadən verdiyi məlumata görə, cari mövsüm "Çelsi" ilə Premyer Liqanın qalibi olan portuqaliyalı mütəxəssis Madrid təmsilçisinin təklifini rədd edib.

Çempionlar Liqasında və İspaniya La Liqasında çempionluğu əldən verən "kral klubu"nun mövsümün sonunda Karlo Ançelotti ilə yollarını ayıracağı gözlənilir. "Real" rəhbərliyi baş məşqçi vəzifəsinə Mourinyonu gətirməyi planlaşdırsa da, təcrübəli mütəxəssis Madrid klubuna qayıtmaq istəməyib.

Qeyd edək ki, Mourinyo 2010-2013-cü illərdə "Real"ı çalışdırıb.