UEFA Avropa Liqasının yarımfinal mərhələsinin cavab oyunlarının ən yaxşı futbolçularının siyahısını açıqlayıb.

Qol.Az-ın qurumun rəsmi saytına istinadən verdiyi məlumata görə, rəmzi yığmada ən çox "Dnepr" klubunun futbolçuları yer alıb.

Yarımfinalda "Napoli"ni məğlub etməklə tarix yazan Ukrayna təmsilçisinin 5 futbolçusu ən yaxşılar sırasına düşməyi bacarıb.

Digər finalçı "Sevilya"nın isə 4 futbolçusu ən yaxşı 11 oyunçu siyahısında yer alıb.




Qapıçı: Denis Boyko ("Dnepr")

Müdafiəçilər: Fauzi Qulyam ("Napoli"), Daniel Karrisu ("Sevilya"), Duqlas ("Dnepr")

Yarımmüdafiəçilər: Koke ("Sevilya"), Caba Kankava, Valeri Luçkeviç (hər ikisi "Dnepr"), Ever Baneqa ("Sevilya")

Hücumçular: Yevgeni Seleznyov ("Dnepr"), Karlos Bakka ("Sevilya"), Muhammed Salah ("Fiorentina")