“Yuventus” “Real”la Çempionlar Liqası yarım final oyununda su fasiləsi verilməsi üçün UEFA-ya müraciət edib. Apasport.az saytının İspaniyanın “AS” nəşrinə istinadən məlumatına görə, buna səbəb oyunun keçiriləcəyi saatlarda Madriddə havanın temperaturunun müsbət 30 dərəcə olmaq ehtimalıdır.
Turinlilər həmçinin qarşılaşmadan öncə meydançanın sulanmasını da tələb ediblər.Qaydalara görə, matçın başlamasına yarım saat qalmış havanın temperaturu müsbət 32 dərəcədən aşağı olmadığı təqdirdə hakimlər oyunçulara sərinləmək üçün vaxt verirlər.
Əgər UEFA nümayəndələri qonaqların bu istəyi ilə razılaşsalar baş hakim oyunun 30 və 75-ci dəqiqələrində futbolçulara su içmək üçün bir dəqiqəlik vaxt verəcəklər.
