"Çelsi"nin futbolçusu Sesk Fabreqas "Barselona"dakı sabiq komanda yoldaşı Lionel Messi haqda danışıb.

Qol.Az-ın məlumatına görə, ispaniyalı futbolçu "Cadena COPE"yə açıqlamasında Messinin "Barselona"dan ayrılacağına inanmadığını bildirib:

"Messi "Barselona"nı sevir. O, bu komandaya aiddir. İnsanlar "Barselona" haqda danışarkən ağıllarına ilk olaraq Messi gəlir. Təbii ki, gələcək karyerası və həyatı ilə bağlı qərarı özü verəcək. Ancaq onun "Barselona"dan ayrılacağına inanmıram".

Fabreqas həmçinin qeyd edib ki, "Barselona" cari mövsümü üç kubokla başa vuracaq: "Barselona" son 4-5 aydır inanılmaz səviyyədə oynayır. Hücumda Messi, Neymar və Suares üçlüyü əla futbol nümayiş etdirir. Düşünürəm ki, Kataloniya təmsilçisi cari mövsüm bütün kubokları qazanacaq".

Qeyd edək ki, Fabreqas 2011-2014-cü illərdə "Barselona"nın şərəfini qoruyub.