Yunanıstanın Krit adasında şahmat üzrə komandalararası Avropa çempionatının yeddinci turu keçirilib.

Qaziler.az Apasport.az-a istinadən xəbər verir ki, qitə birinciliyində millimiz qadınlar və kişilərdən ibarət komanda ilə iştirak edir.

Mötəbər yarışın yeddinci turunda kişilərdən ibarət yığmamız Macarıstan, xanım şahmatçılarımız isə İngiltərə millisi ilə qarşılaşıblar.

Şəhiyar Məmmədyarov, Teymur Rəcəbov, Arkadi Naydiç və Rauf Məmmədovdan ibarət kişi millimiz rəqibinə şans verməyib – 3:1. Bu oyuna qədər lider olan Macarıstan üzərindəki qələbə yığmamızı turnir cədvəlində ikinci pilləyə yüksəldib.

Qadınlar yığmamız isə heç-heçə ilə barışıb – 2:2.