Youtube sosial şəbəkəsindəki İngiltərənin COPA90 futbol kanalında “Qarabağ” haqda reportaj hazırlanıb.

Qaziler.az Qol.az-ın xəbərinə görə, “Ruhlar şəhəri Çempionlar Liqasında” (ruhlar şəhəri dedikdə işğal altındakı Ağdam nəzərdə tutulur – red) adlı bu reportajda “Qarabağ”ın ÇL-in qrupuna düşməsi, avruboklardakı oyunu, Ağdamın işğalından sonra komandanın məcburən Bakıya köçməsindən söhbət açılıb.

Bundan başqa, reportajda “Çelsi” ilə oyunöncəsi bəzi azarkeşlərdən müsahibə alınıb, baş məşqçi Qurban Qurbanovun fikirlərinə yer verilib.

İngiliscə olan bu reportajı təqdim edirik.