Xorxe Mendes meneceri olduğu "Real"ın futbolçusu Kriştiano Ronaldonun təzminat qiymətini açıqlayıb.

Trend-in məlumatına görə, o, BBC-yə müsahibəsində portuqaliyalı hücumçunun İngiltərə klublarından birinə mümkün transferi haqda sualı cavablandırıb. Bu zaman qeyd edib ki, Ronaldonu almaq istəyən klub 300 milyon funt-sterlinq (400 milyon avroya yaxın) ödəməlidir:
"Real" hansısa bir səbəbə görə Ronaldonu satmağı düşünərsə, onu almaq istəyən klub 300 milyon funt-sterlinqindən keçməlidir ".
Qeyd edək ki, X.Mendes Ronaldodan başqa, Joze Mourinyo, Luis Felipe Skolari, Radamel Falkao, Anxel di Mariya, Xames Rodriqes, David de Xea, Viktor Valdesin də meneceridir.