DÇ-2018-in seçmə mərhələsinin Avropa zonasının VIII oyunlarından sonra UEFA Millətlər Liqasının divizionları və səbətlərinin ilkin tərkibi açıqlanıb.

Qaziler.az Apasport.az saytına istinadən xəbər verir ki, 2019-cu ildə keçiriləcək yarışda komandaların alacağı yerlər son üç turnirin nəticələrinə əsasən müəyyənləşəcək.

DÇ-2014 və AÇ-2016 həm seçmə, həm final, DÇ-2018-in seçmə mərhələsinin nəticələrinə əsasən hesablanan cədvələ görə 55 milli 4 liqaya bölünəcək.

Hazırkı vəziyyətə əsasən Azərbaycan millisi C liqasında oynamalıdı. Robert Prosineçkinin yetirmələri burada sonuncu – 3 komandalı səbətin axırıncısıdı.

Yığmamız Kipr və Estoniya ilə birlikdə bu liqanın ən zəiflərinin səbətindədi.

Millimizin bu mövqeyi UEFA-nın son üç turnirə əsasən hesabladığı reytinqdə 39-cu pillədə olmasından irəli gəlir. Hesabında 17,061 xal olan yığmamız 55 ölkədən 16-nı arxada qoyur. Həmin 16 komanda isə ən zəif liqanın iştirakçılarıdı.

Reytinqin ən yaxşısı Almaniya və ən yaxın izləyiciləri Portuqaliya, Belçika və İspaniya isə A liqasının səpələnmiş komandalarıdı. Qonşu Türkiyə B liqasının sonuncu səbətində qərarlaşıb.

Qaydalara əsasən, A liqasında 12, B liqasında 12, C liqasında 15, D liqasında 16 komanda mübarizə aparmalıdı.

Qeyd edək ki, liqalar və səbətlərin yekun tərkibi DÇ-2018-in seçmə mərhələsindən sonra dəqiqləşəcək. Qrup mərhələsinin oyunları 2018-ci il sentyabr-noyabr aylarında keçiriləcək. 2019-cu ilin iyununda liqalarda “Dördlər finalı” baş tutacaq.

A liqası
1-ci səbət
Almaniya, Portuqaliya, Belçika, İspaniya
2-ci səbət
İngiltərə, İsveçrə, İtaliya, Fransa
3-cü səbət
Polşa, Rusiya, Xorvatiya, İslandiya

B liqası
1-ci səbət
Uels, Hollandiya, Slovakiya, Şimali İrlandiya
2-ci səbət
İsveç, Ukrayna, Bosniya və Herseqovina, Avstriya
3-cü səbət
Türkiyə, İrlandiya, Danimarka, Macarıstan

C liqası
1-ci səbət
Sloveniya, Albaniya, Çexiya, Rumıniya
2-ci səbət
Şotlandiya, Monteneqro, Serbiya, Yunanıstan
3-cü səbət
Bolqarıstan, Norveç, İsrail, Finlandiya
4-cü səbət
Kipr, Estoniya, AZƏRBAYCAN

D liqası
1-ci səbət
Litva, Belarus, Gürcüstan, Ermənistan
2-ci səbət
Makedoniya, Farer adaları, Latviya, Lüksemburq
3-cü səbət
Moldova, Qazaxıstan, Lixtenşteyn, Malta
4-cü səbət
Andorra, Kosovo, San-Marino, Cəbəllütariq