Azərbaycan Taekvando Federasiyasının (ATF) və Koreya Respublikasının ölkəmizdəki səfirliyinin təşkilatçılığı və dəstəyi ilə taekvando üzrə gənclər arasında “Koreya səfiri kuboku” turniri keçiriləcək.
Qaziler.az AZƏRTAC-a istinadən bildirir ki, sayca üçüncü olan bu yarış sentyabrın 16-17-də Sumqayıt Olimpiya İdman Kompleksində təşkil ediləcək.
Turnirdə respublikamızda fəaliyyət göstərən taekvando bölmələrinin və klublarının üzvləri, 2000-2003-cü il təvəllüdlü gənc idmançılar mübarizə aparacaqlar.
2015-ci ildən keçirilən bu turnir həmin il Qubada, ötən il isə Qəbələdə təşkil olunub.
