Azərbaycan cüdoçusu Orxan Səfərov Macarıstanın paytaxtı Budapeştdə keçirilən dünya çempionatında finala yüksəlib.
"Report"un məlumatına görə, 26 yaşlı idmançı yarımfinalda Rio-de-Janeyro Yay Olimpiya Oyunlarının bürünc mükafatçısı özbəkistanlı Diyorbek Urozboyevə qalib gəlib.
Azərbaycanlı cüdoçu əvvəlcə vazari fəndini tətbiq edərək rəqibindən 1 xal alıb, daha sonra ipponla 2 dəqiqə 10 saniyəyə təmiz qələbə qazanıb - 11:0.
Onun finalda rəqibi yaponiyalı Naohişa Takota olacaq.
