Dünən “Qarabağ” komandası futbol üzrə Çempionlar Liqasının pley-off mərhələsində Danimarka çempionu “Kopenhagen”ə qalib gəlib. Qarşılaşma 1:0 hesabı ilə Ağdam təmsilçisinin qələbəsi ilə başa çatıb.

Qaziler.az Axar.az-a istinadən xəbər verir ki, bəzi millət vəkilləri də “Qarabağ”ı öz Feysbuk səhifələrində qələbə münasibətilə təbrik edib.

Fazil Mustafa: “Qazandıq. "Qarabağ"ın uğurunu stadiondan seyr etmənin ayrı zövqü vardı. Qurbanın komandası Azərbaycan naminə qəhrəmancasına döyüşdü. Eşq olsun fədakar idmançılarımıza!”

Aydın Mirzəzadə: “Qarşılaşmaya sürətli başlayan komandamız matçın 25-ci dəqiqəsində hesabı açıb. Mahir Mədətovun zərbəsi dəqiq alınıb. Matçın qalan dəqiqələrində komandamız bir neçə dəfə fərqlənməyə yaxın olsa da, rəqib qapıçısı yaxşı oynayıb. Qarşılaşma komandamızın 1:0 hesablı qələbəsiylə başa çatıb”.

Qənirə Paşayeva: Təbriklər, əziz "Qarabağ"!

Qeyd edək ki, "Qarabağ" Azərbaycan futbol tarixində Çempionlar Liqasının pley-off mərhələsinə vəsiqə qazanan ilk komanda olub.