Futbol üzrə Azərbaycan birinci divizionunun 25-ci turunda növbəti oyun keçirilib. Qol.Az-ın Region TV-yə istinadən verdiyi xəbərə görə, Qusarın "Şahdağ" klubu paytaxt təmsilçisi "Zirə" ilə üz-üzə gəlib.
Oyun Şövkət Orduxanov adına Qusar Şəhər Stadionunda keçirilib. Matç qarşılıqlı hücumlarla başlayıb. İlk hissədə qapılar qarşısında təhlükəli vəziyyətlər qeydə alınsa da, hesab açılmayıb.Görüşün 72-ci dəqiqəsində bakılılar hesabı açıb. Qusarlıların bərabərlik cəhdləri uğursuzluqla nəticələndiyindən, qarşılaşma paytaxt klubunun minimal qələbəsi ilə başa çatıb - 1:0.
