Bu gün Avropa Liqasında birinci təsnifat mərhələsinin cavab görüşləri keçirilib.

Qol.az xəbər verir ki, Bakı “İnter”i öz meydanında “Mladost”la qarşılaşıb. Matç təmsilçimizin 2:0 hesablı qələbəsi ilə başa çatıb. İlk oyunda da 3:0 hesablı qələbə qazanan "İnter" növbəti mərhələyə vəsiqə qazanıb.

Zaur Svanadzenin komandası Avroliqanın ikinci təsnifat mərhələsində Lüksemburqun "Fola" klubu ilə qarşılaşacaq.

Qeyd edək ki, ikinci mərhələnin oyunları iyulun 11-12-si (ilk matçlar) və iyulun 18-19-da (cavab matçlar) keçiriləcək.

Tarixində ilk dəfə Avropa kuboklarına qatılan “Zirə” uğurlu nəticəyə imza atıb.

Qol.az-ın xəbərinə görə, mübarizəyə Avroliqadan başlayan Bakı klubu ilk mərhələdə Lüksemburqda “Differdanj” komandasını mübarəzədən kənarlaşdırıb. Gənc mütəxəssis Ayxan Abbasovun rəhbərlikm etdiyi komanda Bakıda 2:0 hesabı ilə qalib gəldiyi rəqibini bu gün səfərdəki matçda da məğlub edib – 2:1.

Bununla da “Zirə” Avroliqanın ikinci mərhələsinə vəsiqə qazanıb. Burada onların rəqibi Rumıniyanın “Astra” klubu olacaq. İlk oyun Bakıda (11 və ya 12 iyul), cavab matçı səfərdə (18 və ya 19 iyul) olacaq.

Matçların dəqiq tarixi hələ açıqlanmayıb.

Avropa Liqası

I təsnifat mərhələsi, cavab oyunu

6 iyul

21:00. “İnter” (Azərbaycan) - “Mladost” (Serbiya) - 2:0
Qollar: Denis Silva, 23, Nizami Hacıyev, 75
Qırmızı vərəqə: Pejoviç, 45+3 ("Mladost")
İlk oyun - 3:0
Baş hakim: Mykola Balakin
Baş hakimin köməkçiləri: Volodimir Volodin, Oleksandr Korniyko
Dördüncü hakim: Anatoli Zhabchenko (hamısı Ukrayna)
Bakı. “Dalğa Arena”


“İnter”: 1. Səlahət Ağayev, 3. Denis Silva, 4. Slavik Alxasov ( 2. Sertan Taşkın, 90+1), 8. Nizami Hacıyev (k), 9. Pərdis Fərcad Azad (6. Samir Zərgərov, 85), 10. Elnur Abdullayev (19. Mirshüseyn Seyidov, 80), 11, Rauf Əliyev, 22. İlkin Qırtımov, 24. Fuad Bayramov, 27. Adrian Skarlatake, 33. Tərlan Quliyev

Ehtiyat oyunçular: 13. Orxan Sadıqlı, 7. Mirsahib Abbasov, 65. Cabir Əmirli, 88. Məmməd Quliyev

“Mladost”: 1. Nemanya Krznariç, 4. İvan Miloçeviç (k), 7. Saşa Yovanoviç, 12. Nenad Qavriç (20. Nenad Marinkoviç, 46), 14. Miloş Trifunoviç (32. İvan Markoviç, 70), 15. Aleksandr Peyoviç, 27. Vladimir Radivoyeviç, 28. Nikola Andriç, 44. Boqdan Miloşeviç, 93. Miloş Satara

Ehtiyat oyunçular: 23. Draqan Rosiç, 8. Stefan Qoluboviç, 10. Xusiddin Qafurov, 18. Obiara Odita, , 17. İvan Pesiç