Bakıda keçirilən “Formula-2” yarışının VIII mərhələsinin qalibi müəyyənləşib.

Qaziler.az xəbər verir ki, Fransanın “Pertamina Arden” komandasının pilotu Norman Nato bütün rəqiblərini qabaqlayıb. O, 21 dövrəli yarışda 40:37.601 göstərici ilə 1-ci yeri qazanıb.

Şarl Lekler (Monako, “Prema Racing”) ikinci, Nikolas Latifi (Kanada, DAMS) isə finiş xəttini üçüncü keçib.

İyunun 24-də Bakıda "Formula-2" yarışının 29 dövrədən ibarət olan VII mərhələsi baş tutub. Yarışın qalibi “Prema Racing” komandasının pilotu Şarl Lekler olub (52:33.196).