Çempionlar Liqasında yarımfinal mərhələsinin oyun cədvəli müəyyənləşib.

Qol.Az-ın UEFA-nın rəsmi saytına istinadən verdiyi məlumata görə, ilk olaraq meydana "Barselona" və "Bavariya" çıxacaq.

Bu komandalar arasında ilk oyun mayın 6-da "Nou Kapm" stadionunda keçiriləcək. Cavab qarşılaşması isə mayın 12-də Münhendə baş tutacaq.

Yarımfinalın digər cütündə "Yuventus" və "Real" (Madrid) klubları 5-13 may tarixlərində üz-üzə gələcək.

Qeyd edək ki, Çempionlar Liqasının final oyunu iyunun 6-da, Berlində keçiriləcək.