Azərbaycan Premyer Liqasının 31-cu turunda "Neftçi"ni qəbul edəcək "Qarabağ" bu oyunun hazırlıqlarına start verəcək.

Qol.Az-ın klubun rəsmi saytına istinadən verdiyi məlumata görə, aprelin 16-sından Bakını tərk edərək "Simurq"la çempionat və kubok qarşılaşması üçün Zaqatalaya yollanan komanda dünən gecə Bakıya qayıdıb.

Ağdam təmsilçisi bir günlük fasilədən sonra növbəti turun hazırlığına başlayır. Bu gün "Qarabağ"ın bir məşqi nəzərdə tutulub. Qurban Qurbanovun komandası bazadakı meydanda məşqə çıxacaq.

Qeyd edək ki, "Qarabağ"ın ev oyunlarını keçirdiyi Tofiq Bəhramov adına Respublika stadionu AÇ-2015-in təşkilat komitəsinin sərəncamına verildiyi üçün Ağdam klubu "Neftçi"ni 8-ci km-də yerləşən "Bakcell Arena"da qəbul edəcək. Oyun 19:00-da başlayacaq.