Azərbaycan kubokunda yarımfinal mərhələsinin cavab oyunları keçirilib.

Qaziler.az bildirir ki, Qol.az-ın xəbərinə görə, bu qarşılaşmalarla finalçılar bəlli olub.

Günün ilk oyununda “Qəbələ” “İnter”i qəbul edib. Səfərdə keçirilən görüşdə 3:1 hesablı qələbə qələbə qazanan Roman Qriqorçukun komandası bu dəfə 2 cavabsız qolla qalib gələrək finala vəsiqəmi təmin edib.

Digər oyunda isə “Neftçi” “Qarabağ”ın qonağı olub. Səfər matçında 2:0 hesabı ilə qalib gələn Ağdam klubu cavab görüşündə sərfəli nəticəni qoruyub. Qapılara qol vurulmadığından Qurban Qurbanovun komandası finala adlayıb.

Qeyd edək ki, final oyunu mayın 5-də keçiriləcək.


5 aprel

“Qarabağ” – “Neftçi” - 0:0
İlk oyun 2:0
Hakimlər: Əliyar Ağayev, Zeynal Zeynalov, Rza Məmmədov, Orxan Məmmədov
Tofiq Bəhramov adına Respublika Stadionu

“Qəbələ” – “İnter” - 2:0
Qollar: Daniel Subotiç, 12, Baqali Dabo, 33
İlk oyun – 3:1
Hakimlər: Ömər Paşayev, Namiq Hüseynov, Nahid Əliyev, Rəvan Həmzəzadə
Qəbələ şəhər stadionu