Bu gün Topaz Pemyer Liqada 22-ci tura yekun vurulub.

Qaziler.az bildirir ki, Qol.az-ın məlumatına görə, daha iki oyun keçirilib.

"Qarabağ" öz meydanında autsayder AZAL-ı qəbul edib. Cari mövsüm bu rəqibi ilə hər üç qarşılaşmadan qalib ayrılan Ağdam təmsilçisi bugünkü görüşün də aşkar favoriti idi. Gözlənildiyi kimi, görüş "Qarabağ"ın qələbəsi ilə başa çatıb - 1:0.

Digər oyunda isə "Qəbələ" "Neftçi"nin qonağı olub. Roman Qriqorçukun komandası 0:1 hesabı ilə uduzub. Bu məğlubiyyətdən sonra "Qəbələ" turnir cədvəlində ikinci pilləyə düşüb. "Qarabağ" isə vahid liderliyə yüksəlib.


14 mart

Topaz Premyer Liqası

XXII tur


20:00. “Neftçi” - “Qəbələ” - 1:0
Qol: Namiq Ələsgərov, 39
Hakimlər: Elvin Əsgərov, Vaqif Musayev, Mehman Mahmudov, Ömər Paşayev
“Bakcell Arena”

17:00. “Qarabağ” - AZAL - 1:0
Qol: Dino Ndlovu, 68
Hakimlər: Rəhim Həsənov, Yaşar Abbasov, Rahil Ramazanov, Ramil Diniyev
“Azersun Arena”

13 mart

“İnter” - “Sumqayıt” - 1:0

“Kəpəz” - “Zirə” - 1:0