Motosiklet yarışı üzrə dünya çempionu fransalı Antoni Deləl məşq zamanı baş vermiş qəza nəticəsində aldığı çoxsaylı xəsarətlərdən ölüb.
APA-nın “RİA Novosti”yə istinadən verdiyi xəbərə görə, ona tibbi yardım göstərilsə də, həyatını xilas etmək mümkün olmayıb. Qəzanın səbəbləri hələlik açıqlanmır.Suzuki” komandasında çıxış edən A.Deləl 5 dəfə dünya çempionu titulunu qazanıb. 35 yaşlı idmançının iki övladı olub.
