"Çelsi"nin baş məşqçisi Joze Mourinyo mövsümün sonunda "Borussiya"dan ayrılacaq Yurgen Klopp haqda danışıb.
Qol.Az-ın "goal.com"a istinadən verdiyi məlumata görə, portuqaliyalı mütəxəssis Kloppun yeni mövsümdən "Çelsi"ni çalışdıracağı ilə bağlı yayılan xəbərləri təkzib edib."Klopp haqda onu deyə bilərəm ki, "Çelsi"ni çalışdırmayacaq. Bu barədə özü şəxsən mənə deyib. Ona görə də rahatam" - deyə Mourinyo bildirib.
Qeyd edək ki, mövsümün sonunda Dortmund təmsilçisindən ayrılacaq Kloppun hansı klubu çalışdıracağı hələlik məlum deyil.
