"Simurq"un baş məşqçisi Georgi Çixradze Azərbaycan Premyer Liqasının 30-cu turunda "Qarabağ"a 0:2 hesabı ilə uduzduqları oyunu şərh edib.
Qol.Az-ın PFL-in saytlna istinadən yaydığı xəbərə görə, gürcü mütəxəssis qarşılaşma haqda bunları deyib:"Sərgilədiyimiz oyuna baxsaq, bu gün biz məğlub olmamalı idik. Ardıcıl çətin oyunlar keçirmişdik. Buna görə heyətdə müəyyən dəyişikliklərə getmişdik. Ümumi səhvlər buraxdıq. Bu da qolla nəticələndi. İndi istirahət etməli və növbəti matça hazırlaşmalıyıq".
