“Hər kəsi salamlayıram. Çox şadam ki, kitabın təqdimat mərasimində mənimlə bu sevinci bölürsüz”.

Qol.Az-ın Futbolxeber.az-a istinadən yaydığı xəbərə görə, bu sözləri veteran futbolçu, U-19-un baş məşqçisi Nazim Süleymanov deyib.

“Bitməyən matç” kitabının təqdimatında çıxış edən Süleymanov digər veteran futbolçuların da kitabının nəşr olunacağına inandığını bildirib:

“Kitabın ərsəyə gəlməsində payı olan hər kəsə minnətdaram. Bu gün dostlarım yanımdadır. Onlar bu kitabın nəşr olunmasında böyük rol oynayıblar. Digər veteran futbolçular haqda da kitablarımız nəşr olunmalıdır. Bu gün əksər futbolçularımız ölkə daxilində çıxış edirlər. Onlar üçün bu kitab kiçik təkan olacaq. Bəzən mənə sual verirlər ki, “Nazim, 1996-cı ildə “Qızıl oyun”da həmin qolu niyə vura bilmədin?” Halbuki heç kim ona qədər qazanılan uğurları yada salmır. Çalışacağam ki, məşqçi kimi həmin sualı unutdurum”.