Çempionlar Liqasının 1/4 finalının ilk oyununda səfərdə "Atletiko" ilə qarşılaşan "Real"ın uğursuz seriyası davam edir.

Qol.Az-ın İspaniya mətbuatına istinadən yaydığı xəbərə görə, rəqibi ilə 0:0 bərabərə qalan Karlo Ançelottinin komandası cari mövsümdə ardıcıl 7-ci oyunda "Atletiko"nu məğlub edə bilməyib.

Bununla da, "Real" 113 il sonra ilk dəfə əzəli rəqibi ilə ardıcıl 7 qarşılaşmadan qələbəsiz ayrılıb.

Qeyd edək ki, "kral klubu" daha öncə İspaniya superkuboku (iki dəfə), İspaniya kuboku (iki dəfə) və La Liqada (iki dəfə) keçirilən matçlarda rəqibini məğlub etməyi bacarmayıb. Baş tutan 7 oyunun 4-də "Atletiko" qələbə qazanıb, 3 görüş isə heç-heçə başa çatıb.