"Çelsi"nin futbolçusu Didye Droqba gələcək karyerası haqda danışıb. Qol.Az-ın məlumatına görə, 37 yaşlı futbolçu Britaniya mətbuatına açıqlamasında cari mövsümün onun üçün son olmayacağını bildirib:
"Qərarımı verdim. Cari mövsüm mənim üçün son olmayacaq. Təbii ki, sabit oynamaq çətindir. Ancaq əlimdən gələnin ən yaxşısını etməyə çalışıram. Premyer Liqada çempionluğa yaxınıq. Hazırda bütün diqqətimi buna yönəltmişəm".Qeyd edək ki, bu mövsüm 35 oyunda iştirak edən Droqba 6 qol vurub və iki məhsuldar ötürmə verib.
