“Qarabağ” futbol klubunun braziliyalı hücumçusu Reynaldo Silva Türkiyədən təklif alıb.
AZƏRTAC ajansspor.com saytına istinadla xəbər verir ki, “Adanaspor” klubu 27 yaşlı futbolçu ilə maraqlanır. Həmin klubun baş məşqçisi Levent Şahin rəhbərlikdən hücum xəttinin gücləndirilməsini istəyib. Rəhbərlik isə Reynaldonu heyətə qatmaq niyyətindədir.Xəbərdə “Adanaspor”un “Qarabağ”a rəsmi təklif göndərdiyi və yaxın günlərdə “sambaçı”nın transferinin reallaşacağı bildirilir.
Reynaldo 2013-cü ildən “Qarabağ”da çıxış edir.
