Antalyada təlim-məşq toplanışında olan "Qarabağ" bu gün sonuncu yoхlama oyununu keçirəcək.

Qurban Qurbanov yetirmələrini Rumıniya klubu ilə oyunda sınayacaq.
Belə ki, "Qarabağ" "Tarqu Mureş"lə qarşılaşacaq. Oyun Bakı vaхtı ilə saat 19.30-da başlayacaq.
Qeyd edək ki, "Tarqu Mureş" klubu 2008-ci ildə yaradılıb. Komandaya Livu Kibotari başçılıq edir. Liqa 1-in debütantı qış fasiləsinə 5-ci pillədə yollanıb.
"Qarabağ" bundan əvvəl Antalyada 5 oyun keçirib. "RNK Split"ə (Xorvatiya) 1:3, "Levski"yə (Bolqarıstan) 0:3 hesabı ilə yenilən ağdamlılar "Sürix" (İsveçrə) 1:1, "Mordoviya" (Rusiya) ilə 0:0 hesablı heç-heçəyə razılaşıb və "Legiya"nı (Polşa) məğlub edib - 2:0.
Antalya
Yoхlama oyunu
31 yanvar

19.30 Qarabağ (Azərbaycan) - Tarqu Mureş (Rumıniya)
Qarabağ: İbrahim Şehiç, Rəşad Sadıqov, Bədavi Hüseynov, Maksim Medvedev, Muarem Muarem, Ansi Aqolli, Qara Qarayev, Riçard Almeyda, Reynaldo Silva, Vüqar Nadirov, Leroy Corc.