UEFA İntizam Komitəsi Xorvatiya millisini cəzalandırıb. Qol.Az-ın xarici KİV-lərə istinadən yaydığı xəbərə görə, buna "Avro-2016"nın seçmə mərhələsində Norveçə qarşı matçda Xorvatiya millisinin azarkeşlərinin irqçi şüarlar səsləndirmələri səbəb olub. Onlar şüarlardan əlavə, pirotexniki vasitələrdən də istifadə ediblər.
Buna görə də Xorvatiya yığması İtaliya ilə növbəti ev oyununu boş tribunalar önündə keçirəcək. Bundan başqa yerli federasiya 50 min avro məbləğində cərimələnib. Qeyd edək ki, Xorvatiya - İtaliya qarşılaşması iyunun 12-də keçiriləcək. Xatırladaq ki, Xorvatiya və İtaliya milliləri "Avro-2016"nın seçmə mərhələsində Azərbaycanla birgə H qrupunda yer alıb.Millimizin rəqibinə sərt cəza
