“Qarabağ”ın futbolçusu Cumbinyo bu yaxınlarda Braziliyada əməliyyat olunub.
Klubdan Qol.Az-a verilən xəbərə görə, əməliyyatı uğurlu başa çatan təcrübəli yarımmüdafiəçi bir neçə gündür fərdi qaydada məşqlər də edir.Qeyd edək ki, Cumbinyonun Ağdam klubu ilə müqaviləsi bu mövsümün sonu başa çatacaq. Onun “Qarabağ”da qalıb-qalmayacağına baş məşqçi Qurban Qurbanov qərar verəcək.
Qeyd edək ki, Cumbinyo ötən ilin yayından dizindən ağır zədə alıb. Bu səbəbdən o, müxtəlif vaxtlarda iki dəfə əməliyyat edilib.
