Argentinalı əfsanə futbolçu Dieqo Maradona media qarşısına keçib. Bu zaman verilən suallardan biri yenə Messi və Ronaldo ilə bağlı olub.

Musavat.com xəbər verir ki, Argentinanın əfsanə adı D.Maradona, Lionel Messi ilə Kristiano Ronaldonun müqayisənin düzgün olmadığını bildirib.

Maradona, "Ronaldo ilə Messi digərlərindən çox üstündür. Nə Messi Ronaldodan, nə də Ronaldo Messidən üstündür".

Messinin fenomen olmaq üçün Dünya Kuboku qazanmasına gərək duymadığını da təkrarlayan əfsanə futbolçu, sözlərinə belə davam edib: "Messi fenomen olmaq üçün kifayət qədər şey qazanıb. O, milli komandadan ayrılma haqqına sahibdir. Ayrıldı və tənqid olundu. Geri döndü və hələ də tənqid olunur".

Maradona Neymar barəsində tərif dolu sözlər işlədib: "Dünyanın ən yaxşı futbolçusu müqayisəsi yaxın zamanda Messi ilə Ronaldo arasında aparılmayacaq. Neymar da o səviyyəyə çatacaq. O, 200 dəfə yıxmağa çalışsanız da, ayağa qalxıb qaçmağa davam edən müdhiş bir oyunçudur. Braziliya, Rivaldo, Ronaldinyo və Kaka sonrası ulduzsuz qalmışdı. İndi ona sahibdirlər".